ഫാ. മൈക്കൽ വൂസ്റ്റിനെ ക്ലീവ്‌ലാന്റ് രൂപതയുടെ പുതിയ സഹായമെത്രാനായി നിയമിച്ച് ഫ്രാൻസിസ് മാർപാപ്പ. മേയ് ഒൻപതിന് വത്തിക്കാനാണ് ഈ വാർത്ത പുറത്തുവിട്ടത്.
1958 സെപ്തംബർ 17-ന് ക്ലീവ്‌ലാൻഡിൽ ജനിച്ച വൂസ്റ്റ് 1984-ലാണ് വൈദികനായി അഭിഷിക്തനായത്. രൂപതയുടെ വൊക്കേഷൻ ഓഫീസിന്റെ അസിസ്റ്റന്റ് ഡയറക്ടറായും മാഡിസണിലെ ഇമ്മാക്കുലേറ്റ് കൺസെപ്ഷൻ ഇടവകയുടെ വികാരിയായും ഫാ. വൂസ്റ്റ് സേവനമനുഷ്ഠിച്ചിട്ടുണ്ട്. 63-കാരനായ ഇദ്ദേഹം 20 വർഷത്തിലേറെയായി ഒഹിയോയിലെ ക്ലീവ്‌ലാൻഡിലുള്ള സെന്റ് മേരി സെമിനാരിയിൽ ദൈവശാസ്ത്ര പ്രൊഫസറായും സേവനമനുഷ്ഠിച്ചിട്ടുണ്ട്. അദ്ദേഹത്തിന്റെ മെത്രാഭിഷേകം ആഗസ്റ്റ് നാലിന് സെന്റ് ജോൺ ദി ഇവാഞ്ചലിസ്റ്റ് കത്തീഡ്രൽ ദേവാലയത്തിൽ നടക്കും.
