ഈസ്റ്റ് അസ്സീറിയൻ സഭയുടെ പാത്രിയർക്കീസ് മാർ അവാ മൂന്നാമൻ, ലോകസമാധാനത്തിനായി പ്രാർത്ഥിക്കുകയും സഹോദരസ്നേഹത്തിനും ഐക്യദാർഢ്യത്തിനും വേണ്ടി ആഹ്വാനം ചെയ്യുകയും ചെയ്തു. നവംബർ 21- ന് വത്തിക്കാനിൽ ഫ്രാൻസിസ് മാർപാപ്പയുമായി കൂടിക്കാഴ്ച നടത്തുമ്പോഴായിരുന്നു ഈ ആഹ്വാനം.
മാർ അവാ മൂന്നാമൻ, സെപ്റ്റംബർ 13- നാണ് അസ്സീറിയൻ ചർച്ച് ഓഫ് ദി ഈസ്റ്റിന്റെ കത്തോലിക്കാ-പാത്രിയർക്കീസ് സ്ഥാനം ഏറ്റെടുത്തത്. വത്തിക്കാനിൽ ഫ്രാൻസിസ് മാർപാപ്പയുമായി കൂടിക്കാഴ്ച നടത്തുന്നതിനു മുമ്പ്, മാർ അവാ മൂന്നാമൻ റോമിലെ ട്രാസ്റ്റെവെറിലെ സാന്താ മരിയ ബസിലിക്കയിൽ സമാധാനത്തിനായുള്ള പരമ്പരാഗത പ്രാർത്ഥനക്ക് നേതൃത്വം നൽകി. ഈ ചടങ്ങിൽ സഭാനേതാക്കളും നൂറുകണക്കിന് വിശ്വാസികളും പങ്കെടുത്തു.
വർഷങ്ങളായി താൻ ഇറാഖിലെ സമാധാനത്തിനും സിറിയയിലെ സമാധാനത്തിനും വിവിധ ക്രൈസ്തവസമൂഹങ്ങളുടെ ഐക്യത്തിനും വേണ്ടി പ്രാർത്ഥിക്കുന്നു എന്നും അദ്ദേഹം വെളിപ്പെടുത്തി. അസ്സീറിയൻ ചർച്ച് ഓഫ് ഈസ്റ്റിന്റെ പാത്രിയർക്കീസ് മാർ അവാ മൂന്നാമൻ വത്തിക്കാനിൽ വച്ച് ഫ്രാൻസിസ് മാർപാപ്പയെ കാണുകയും ഈസ്റ്റർ ഒരേ ദിനം ആഘോഷിക്കാൻ നിർദ്ദേശിക്കുകയും ചെയ്തു.
