സ്വാതന്ത്ര്യത്തിൽ മാത്രമേ നമുക്ക് സ്നേഹിക്കാൻ കഴിയൂ എന്ന് മുന്നറിയിപ്പ് നൽകി ഫ്രാൻസിസ് പാപ്പാ. ഡിസംബർ ഏഴിന് വത്തിക്കാനിലെ പോൾ ആറാമൻ ഹാളിൽ ഒത്തുകൂടിയ വിശ്വാസികളോടാണ് പാപ്പാ ഇപ്രകാരം പറഞ്ഞത്.
“സ്വാതന്ത്ര്യത്തിൽ മാത്രമേ നമുക്ക് സ്നേഹിക്കാൻ കഴിയൂ. ഇക്കാരണത്താൽ കർത്താവ് നമ്മെ സ്വതന്ത്രരായി സൃഷ്ടിച്ചിരിക്കുന്നു. ‘നോ’ എന്ന് പറയാനുള്ള സ്വാതന്ത്ര്യവും നമുക്കുണ്ട്” – വിവേചനാധികാരത്തെക്കുറിച്ചുള്ള തന്റെ മതബോധന പരമ്പരയിലാണ് പരിശുദ്ധ പിതാവ് സ്വാതന്ത്ര്യത്തിന്റെ പ്രാധാന്യം ഊന്നിപ്പറഞ്ഞത്.
ഡിസംബർ എട്ടിന് കത്തോലിക്കാ സഭ മറിയത്തിന്റെ അമലോത്ഭവ തിരുനാൾ ആഘോഷിക്കുന്നുവെന്ന് പരിശുദ്ധ പിതാവ് അനുസ്മരിച്ചു. “നല്ല തീരുമാനങ്ങളെടുക്കാനും അനുസരിക്കാനും ഞങ്ങളെ സഹായിക്കാൻ ഞങ്ങളുടെ അമ്മയോട് പ്രാർത്ഥിക്കുക” – പാപ്പാ ആഹ്വാനം ചെയ്തു.
