നാൻസി പെലോസിയുടെ വിശുദ്ധ കുർബാനസ്വീകരണത്തിന്റെ വിലക്ക് വ്യാപിപ്പിച്ച് രൂപതകൾ

യു എസ് ഹൗസ് സ്പീക്കർ നാൻസി പെലോസിയ്ക്ക് വിശുദ്ധ കുർബാന സ്വീകരിക്കാനുള്ള വിലക്ക് വ്യാപിപ്പിച്ച് ആർലിംഗ്ടൺ രൂപത. മെയ് 25- ന് ബിഷപ്പ് മൈക്കൽ എഫ്. ബർബിഡ്ജാണ് ഈ വിലക്ക് പരിധി വ്യാപിപ്പിച്ചത്.

നാൻസിയുടെ സ്വന്തം രൂപതയായ സാൻ ഫ്രാൻസിസ്കോ അതിരൂപതയാണ് ആദ്യം പെലോസിയ്ക്ക് ഈ വിലക്ക് ഏർപ്പെടുത്തിയത്. ഇതേ വിലക്ക് തുടരുമെന്ന് പ്രഖ്യാപിക്കുന്ന രണ്ടാമത്തെ യുഎസ് ബിഷപ്പാണ് ബർബിഡ്ജ്. പെലോസി ഇടയ്ക്കിടെ പരിശുദ്ധ കുർബാനയിൽ പങ്കെടുക്കുന്ന സാന്താ റോസ രൂപതയിലും താൻ വിലക്ക് ഏർപ്പെടുത്തുമെന്ന് ബിഷപ്പ് റോബർട്ട് വാസ മെയ് 20- ന് അറിയിച്ചിരുന്നു. സാൻ ഫ്രാൻസിസ്‌കോ രൂപതയിലെ ബിഷപ്പ് കോർഡിലിയോണിന്റെ നടപടിയെ പിന്തുണച്ച് പന്ത്രണ്ടോളം യുഎസ് ബിഷപ്പുമാർ പരസ്യമായി രംഗത്തെത്തിയിട്ടുണ്ട്. തന്റെ ഈ നടപടി തികച്ചും അജപാലനപരമാണെന്നും രാഷ്ട്രീയ പ്രേരിതമല്ലെന്നും ബിഷപ്പ് കോർഡിലിയോൻ പ്രസ്താവിച്ചിരുന്നു.

ഒരു കത്തോലിക്കയായ നാൻസി പെലോസി അബോർഷനെ പിന്തുണയ്ക്കുന്നതാണ് ഈ നടപടിയ്ക്ക് കാരണമായത്. കത്തോലിക്കാ സഭ അബോർഷനെ കൊലപാതകതുല്യമായ പാപമായാണ് കണക്കാക്കുന്നത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.