കൊറോണ വൈറസുമായി ബന്ധപ്പെട്ട ലോക് ഡൗണിനുശേഷം ആദ്യമായാണ് ജനുവരി 20 -ന് കൊളംബിയയിൽ ശൈത്യത്തെപോലും അതിജീവിച്ച് ആളുകൾ മാർച്ച് ഫോർ ലൈഫിന്റെ വാർഷിക സമ്മേളനത്തിനായി ഒന്നുചേർന്നത്. പ്രോ-ലൈഫ് പ്രസ്ഥാനത്തിന് നിർണ്ണായക വർഷമായേക്കാവുന്ന 2022 -ൽ ഗർഭസ്ഥ ശിശുക്കൾക്ക് ഐക്യദാർഢ്യം പ്രകടിപ്പിക്കുകയായിരുന്നു ഈ സമ്മേളനത്തിന്റെ ലക്‌ഷ്യം.
ലോകത്തിലെ ഏറ്റവും വലിയ മനുഷ്യാവകാശ പ്രകടനം എന്ന് വിശേഷിപ്പിക്കപ്പെടുന്ന സമ്മേളനമാണിത്. നിലവിലുള്ള കൊറോണ വൈറസ് പ്രതിസന്ധിയും കൊളംബിയ ഡിസ്ട്രിക്റ്റിലെ കർശനമായ കോവിഡ് -19 നിയന്ത്രണങ്ങളും കാരണം പലർക്കും സമ്മേളനത്തിൽ പങ്കെടുക്കാൻ സാധിച്ചില്ല.
“ഈ വർഷം 2022, ജീവിതത്തിൽ ചരിത്രപരമായ ഒരു മാറ്റം കൊണ്ടുവരുമെന്ന് ഞങ്ങൾ പ്രതീക്ഷിക്കുകയും പ്രാർത്ഥിക്കുകയും ചെയ്യുന്നു” – ഒത്തുചേരലിന്റെ സംഘാടകനായ മാർച്ച് ഫോർ ലൈഫിന്റെ പ്രസിഡന്റ് ജീൻ മാൻസിനി പറഞ്ഞു.
