കേരളസഭയുടെ ആത്മീയവും ഭൗതികവുമായ വളർച്ചയിൽ അത്മായ നേതാക്കൾ നിർണ്ണായകമായ പങ്കുവഹിച്ചിട്ടുണ്ടെന്നും അതു തുടരണമെന്നും ബിഷപ്പ് മാർ തോമസ് തറയിൽ. കത്തോലിക്കാ കോൺഗ്രസ് ഗ്ലോബൽ യൂത്ത് കൗൺസിലിന്റെ ഏകദിന പഠന ശിബിരമായ ‘ദിശ’ ഉദ്ഘാടനം ചെയ്യുകയായിരുന്നു അദ്ദേഹം. നൂറ്റാണ്ടുകളോളം വിശ്വാസതീക്ഷ്ണതയോടെ സഭയെ നയിച്ച അത്മായ നേതൃത്വമാണ് നിവർത്തന പ്രക്ഷോഭത്തിലൂടെയും മറ്റും സമുദായത്തിന്റെ അവകാശങ്ങളെ കാത്തതെന്നും അദ്ദേഹം പറഞ്ഞു.
കത്തോലിക്കാ കോൺഗ്രസ് കേന്ദ്രകാര്യാലയത്തിൽ ചേർന്ന യോഗത്തിൽ പ്രസിഡന്റ് അഡ്വ. ബിജു പറയന്നിലം അദ്ധ്യക്ഷത വഹിച്ചു. ഗ്ലോബൽ ജനറൽ സെക്രട്ടറി രാജീവ് കൊച്ചുപറമ്പിൽ മുഖ്യസന്ദേശവും ഡയറക്ടർ ഫാ. ജിയോ കടവി ആമുഖസന്ദേശവും നൽകി.