ഉക്രൈനിലെ യുദ്ധം അവസാനിപ്പിക്കാൻ എന്തും ചെയ്യാൻ ഞാൻ തയ്യാർ: ഫ്രാൻസിസ് മാർപാപ്പ

ഫെബ്രുവരി 24 -ന് ആരംഭിച്ച റഷ്യൻ അധിനിവേശത്തിനു ശേഷം ഉക്രൈനിലെ യുദ്ധം അവസാനിപ്പിക്കാൻ എന്തും ചെയ്യാൻ താൻ തയ്യാറാണെന്ന് ഫ്രാൻസിസ് മാർപാപ്പ അർജന്റീനിയൻ പത്രമായ ലാ നാസിയോണിനു നൽകിയ അഭിമുഖത്തിൽ പറഞ്ഞു. ഈ യുദ്ധാനന്തരമുണ്ടായത് രണ്ടാം ലോക മഹായുദ്ധത്തിനു ശേഷം യൂറോപ്പിലുണ്ടായ വലിയ അഭയാർത്ഥി പ്രവാഹമാണ്.

യുദ്ധം തടയാൻ പരിശുദ്ധ സിംഹാസനം എന്തെങ്കിലും ചെയ്യുമോ എന്നതിന് പരിശുദ്ധ പിതാവിന്റെ മറുപടി, നയതന്ത്രശ്രമങ്ങൾ വത്തിക്കാൻ ഒരിക്കലും അവസാനിപ്പിക്കുന്നില്ല. ശ്രമങ്ങൾ തുടർന്നുകൊണ്ടിരിക്കുകയാണ്. യുദ്ധം തുടങ്ങിയതിനു ശേഷം ഫെബ്രുവരി 25 -ന് തന്നെ വത്തിക്കാനിലെ റഷ്യൻ എംബസി ഫ്രാൻസിസ് മാർപാപ്പ സന്ദർശിച്ചിരുന്നു. ആ സന്ദർശനത്തിന്റെ വിശദാംശങ്ങൾ വത്തിക്കാൻ നൽകിയില്ലെങ്കിലും റഷ്യൻ അംബാസഡർ അലക്‌സാണ്ടർ അവ്‌ദേവുമായി പരിശുദ്ധ പിതാവ് അന്ന് സംസാരിച്ചിരുന്നു.

യുദ്ധം ന്യായമാണോ എന്ന ചോദ്യത്തിന്, ഈ ലോകത്തിൽ യുദ്ധങ്ങൾ കലഹരണപ്പെടേണ്ടത് ആവശ്യമാണ് എന്നായിരുന്നു മാർപാപ്പയുടെ മറുപടി. അതുകൊണ്ടാണ് ഞാൻ പരസ്യമായി ഉക്രേനിയൻ പതാകയിൽ ചുംബിച്ചത്. യുദ്ധത്തിൽ മരിച്ചവരോടും അവരുടെ കുടുംബങ്ങളോടും പ്രവാസം അനുഭവിക്കുന്നവരോടും ഐക്യദാർഢ്യത്തിന്റെ ഒരു സൂചനയായിരുന്നു അത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.