നൈജീരിയയിൽ 14 ക്രൈസ്തവരെ കൊലപ്പെടുത്തി ഫുലാനി തീവ്രവാദികൾ

നൈജീരിയയിൽ സ്ത്രീകളും കുട്ടികളും ഉൾപ്പെടെ 14 ക്രൈസ്തവരെ കൊലപ്പെടുത്തി ഫുലാനി തീവ്രവാദികൾ. ബെന്യൂ സംസ്ഥാനത്തെ തർക്ക ഗ്രാമത്തിൽ ഏപ്രിൽ 11- ന് അർദ്ധരാത്രിയോടെയാണ് ആക്രമണം നടന്നത്.

ബെന്യൂ സംസ്ഥാനത്ത് ഭൂരിഭാഗവും ക്രൈസ്തവരാണ്. ഈ മേഖലയിൽ ക്രൈസ്തവർക്കു നേരെ നടക്കുന്ന ആക്രമണങ്ങൾക്കെതിരെ ബെന്യൂ ഗവർണറായ ഡോ. സാമുവൽ ഓർത്തോം പലതവണ ശബ്ദമുയർത്തിയിട്ടുണ്ട്. ഇതേ തുടർന്ന് ഫുലാനി തീവ്രവാദികൾ 2021- ൽ അദ്ദേഹത്തിനു നേരെ ആക്രമണം നടത്തിയിരുന്നു. “ഞങ്ങളുടെ ധീരരായ പോരാളികളാണ് ഈ ആക്രമണം നടത്തിയത്. ഓർത്തോമിനും അദ്ദേഹത്തിന്റെ സഹപ്രവർത്തകർക്കും ഒരു സന്ദേശം നൽകാനാണിത്. ഫുലാനി താൽപര്യങ്ങൾക്ക് എതിരായിട്ടുള്ളവരെ ഞങ്ങൾ വെറുതെ വിടുകയില്ല” – ഗവർണർക്കു നേരെ നടന്ന ആക്രമണത്തെക്കുറിച്ച് ഫുലാനി തീവ്രവാദികൾ അയച്ച പ്രസ്താവനയിൽ പറയുന്നു.

കഴിഞ്ഞ വർഷം പുറത്തുവന്ന ഐസിസി- യുടെ കണക്കനുസരിച്ച്, 2021- ൽ നൈജീരിയയിലാണ് ക്രൈസ്തവർക്കു നേരെ ഏറ്റവും കൂടുതൽ ആക്രമണങ്ങൾ നടന്നത്. കഴിഞ്ഞ 20 വർഷത്തിനുള്ളിൽ തീവ്രവാദികൾ, പതിനായിരക്കണക്കിന് ക്രൈസ്തവരെയാണ് നൈജീരിയയിൽ കൊല്ലപ്പെടുത്തിയത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.