യേശുവിലേക്കുള്ള പാത സുഖകരമല്ല മറിച്ച് ആകർഷകമാണെന്ന് ഫ്രാൻസിസ് പാപ്പാ. ജൂൺ 18-ന് വത്തിക്കാനിൽ സീറോമലബാർ സഭയിലെ യുവജനങ്ങളുമായി നടന്ന കൂടിക്കാഴ്ചയിലാണ് പാപ്പാ ഇപ്രകാരം പറഞ്ഞത്.
“ഓരോ തീർത്ഥാടനത്തിലും നാം അന്വേഷിക്കുന്നത് യേശുവിനെയാണ്. അവനാണ് വഴിയും സത്യവും ജീവനും. യേശുവിലേക്കുള്ള പാത സുഖകരമല്ല മറിച്ച് ആകർഷകമാണ്. അവൻ നമ്മെ ഒരിക്കലും ഉപേക്ഷിക്കുകയില്ല. നമ്മുടെ സന്തോഷങ്ങളും വേദനകളും അവനുമായി പങ്കുവയ്ക്കുക. നമ്മുടെ ജീവിതത്തിൽ അവന് ഇടം നൽകിയാൽ, ദൈവത്തിനു മാത്രം നൽകാൻ കഴിയുന്ന സമാധാനം നമുക്ക് അനുഭവിക്കാൻ സാധിക്കും. നമ്മുടെ ജീവിതം ദൈവത്തിന്റെ സമ്മാനമാണെന്ന് നാം തിരിച്ചറിയണം. ഈ തിരിച്ചറിവാണ് നമ്മുടെ ജീവിതത്തിന് അർത്ഥം നൽകുന്നത്” – പാപ്പാ പറഞ്ഞു.
