നൈജീരിയയിൽ നിരവധി ക്രൈസ്തവരെ തട്ടിക്കൊണ്ടു പോയി

വടക്കുപടിഞ്ഞാറൻ നൈജീരിയയിലെ ഒരു ദൈവാലയത്തിൽ നിന്നും സെപ്റ്റംബർ 17-ന് ഒരു വൈദികനെയും 60-ഓളം ക്രൈസ്തവരെയും തട്ടിക്കൊണ്ടു പോയി. തട്ടിക്കൊണ്ടു പോകപ്പെട്ട ഫാ. ലിയോ റാഫേൽ ഒസിഗിയെ പിന്നീട് വിട്ടയച്ചു. സാധാരണയായി ക്രൈസ്തവർക്കു നേരെ ആക്രമണം നടത്തുന്ന ഫുലാനി തീവ്രവാദികളാണ് ഈ ആക്രമണത്തിനും പിന്നിൽ.

പുലർച്ചെ രണ്ടു മണിയോടെ നൈജർ സ്റ്റേറ്റിലെ സുലേജയിലുള്ള ഇടവക ദൈവാലയത്തിലെ രാത്രിശുശ്രൂഷകൾക്കു ശേഷമാണ് അക്രമികൾ ക്രൈസ്തവരെ തട്ടിക്കൊണ്ടു പോയത്. “ഫുലാനി തീവ്രവാദികൾ ഇടവക വൈദികനെയും വിശ്വാസികളെയുമാണ് തട്ടിക്കൊണ്ടു പോയത്. ഈ ആക്രമണം നടന്ന് മണിക്കൂറുകൾക്കു ശേഷമാണ് സുമ റോക്ക് ബാരക്കിൽ നിന്നുള്ള സൈനികർ അവിടെയെത്തിയത്” – പ്രദേശവാസികൾ വെളിപ്പെടുത്തുന്നു.

തട്ടിക്കൊണ്ടു പോകപ്പെട്ട വൈദികനെ മോചിപ്പിച്ചെങ്കിലും നിരവധി ക്രൈസ്തവർ അക്രമികളുടെ പിടിയിലാണ്. നൈജറിലെയും വടക്കുപടിഞ്ഞാറൻ നൈജീരിയയിലെ മറ്റ് സംസ്ഥാനങ്ങളിലെയും നിരവധി ക്രൈസ്തവർ വളരെ ദുരിതപൂർണ്ണമായ സാഹചര്യത്തിലൂടെയാണ് കടന്നുപോകുന്നത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.