കത്തോലിക്കാ തത്വചിന്തകയും എഴുത്തുകാരിയുമായ ആലീസ് വോൺ ഹിൽഡെബ്രാൻഡ് അന്തരിച്ചു

കത്തോലിക്കാ തത്വചിന്തകയും എഴുത്തുകാരിയുമായ ആലീസ് വോൺ ഹിൽഡെബ്രാൻഡ് അന്തരിച്ചു. ജനുവരി 14 -ന് തന്റെ 98 -ാം വയസ്സിൽ വാർദ്ധക്യസഹജമായ അസുഖങ്ങളെ തുടർന്നായിരുന്നു മരണം.

1923 -ൽ ബെൽജിയത്തിലാണ് ആലീസ് ജനിച്ചത്. 1947 മുതൽ ന്യൂയോർക്ക് സിറ്റിയിലെ ഹണ്ടർ കോളേജിൽ ആലിസ് തത്വശാസ്ത്രം പഠിപ്പിച്ചു. 1984 -ൽ, തന്റെ 37 വർഷത്തെ സേവനത്തിനു ശേഷം ഹണ്ടർ കോളേജിൽ നിന്ന് വിരമിച്ചു. നിരവധി പുസ്തകങ്ങൾ പ്രസിദ്ധീകരിക്കുകയും എണ്ണമറ്റ ലേഖനങ്ങളും ഉപന്യാസങ്ങളും എഴുതുകയും ചെയ്തിട്ടുണ്ട്.

കത്തോലിക്കാ വാർത്താ ഏജൻസിയിൽ 80 -ലധികം പ്രോഗ്രാമുകൾ ആലീസ് നിർവഹിച്ചിട്ടുണ്ട്. “കത്തോലിക്കാ ചിന്തകൾക്ക് ആലീസ് നൽകിയ നിരവധി സംഭാവനകൾക്കും വർഷങ്ങളായി ഞങ്ങൾക്കു വേണ്ടി നടത്തിയ നിരവധി പ്രോഗ്രാമുകൾക്കും ഞങ്ങൾ നന്ദിയുള്ളവരാണ് ” – എറ്റേണൽ വേഡ് ടെലിവിഷൻ നെറ്റ്‌വർക്ക് ചാപ്ലിൻ ഫാ. ജോസഫ് വൂൾഫ് പറഞ്ഞു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.