കത്തോലിക്കാ കോൺഗ്രസ് ചങ്ങനാശ്ശേരി അതിരൂപതാ സമിതിയുടെ നേതൃത്വത്തിൽ ലഹരിവസ്തുക്കൾക്കെതിരെ ബോധവത്ക്കരണവും മാനവമോചന സന്ദേശയാത്രയും നടത്തും. ഇന്ന് ഉച്ച കഴിഞ്ഞ്‌ നെടുംകുന്നം ഫൊറോനാ പള്ളിയുടെ സമീപത്തു നിന്നും മാനവമോചന സന്ദേശയാത്ര ആരംഭിക്കും. ആർച്ചുബിഷപ്പ് മാർ ജോസഫ് പെരുന്തോട്ടം യാത്ര ഉദ്‌ഘാടനം ചെയ്യും.
2.45-ന് തെങ്ങണയിൽ എത്തിച്ചേരുന്ന യാത്രയെ അഭിവാദ്യം ചെയ്ത് മാർ തോമസ് തറയിൽ പ്രസംഗിക്കും. 4.15-ന് തുരുത്തി പുന്നമൂട് ജംഗ്‌ഷനിൽ എത്തിച്ചേരുന്ന യാത്രയെ, കുറിച്ചി ആതുരാശ്രമം അധിപതി സ്വാമി കൈവല്യാനന്ദ സരസ്വതി ഉദ്‌ഘാടനം ചെയ്യും.
അഞ്ചിന് കോട്ടയം ഗാന്ധിസ്‌ക്വയറിൽ നടക്കുന്ന സമാപന സമ്മേളനം കത്തോലിക്കാ കോൺഗ്രസ് ഗ്ലോബൽ സമിതി പ്രസിഡന്റ് ബിജു പറയുന്നിലം ഉദ്‌ഘാടനം ചെയ്യും.
