വി. പാദ്രെ പിയോ അർപ്പിച്ച അവസാനത്തെ വിശുദ്ധ കുർബാന

ജീവിതകാലത്തു തന്നെ വിശുദ്ധനായി അറിയപ്പെട്ട വ്യക്തിയാണ് വി. പാദ്രെ പിയോ. വിശുദ്ധ കുര്‍ബാനയോട് അതിരറ്റ സ്നേഹമുണ്ടായിരുന്ന പാദ്രെ പിയോ അർപ്പിച്ചിരുന്ന കുർബാനകളൊക്കെയും മണിക്കൂറുകൾ നീളുമായിരുന്നു. അദ്ദേഹത്തിന്റെ മരണവും വിശുദ്ധ കുർബാന അർപ്പിച്ചതിന് ഏതാനും സമയത്തിനു ശേഷമായിരുന്നു. 1968 സെപ്റ്റംബർ 23-നായിരുന്നു വി. പാദ്രെ പിയോ മരിക്കുന്നത്. മരിക്കുന്നതിനു മുൻപ് അദ്ദേഹം വിശുദ്ധ കുർബാനയുടെ ആഘോഷമായ അർപ്പണം നടത്തിയിരുന്നു.

വിശുദ്ധ കപ്പൂച്ചിൻ സന്യാസിക്ക് ചില ആരോഗ്യപ്രശ്നങ്ങൾ ഉണ്ടായിരുന്നു. എന്നാൽ തന്റെ ബലഹീനതയും ക്ഷീണവും വകവയ്ക്കാതെ അദ്ദേഹം ദിനംപ്രതി കുർബാന തുടരുകയും ഓരോ ദിവസവും 50-ഓളം കുമ്പസാരങ്ങൾ കേൾക്കുകയും ചെയ്തു. 1968 സെപ്റ്റംബർ 22-ന് തനിക്ക് പഞ്ചാക്ഷതം ലഭിച്ചതിന്റെ അൻപതാം വാർഷികത്തിനു ശേഷം ഒരു ദിവസം, പദ്രെ പിയോ തീർത്ഥാടകർക്കായി വിശുദ്ധ കുർബാന അർപ്പിക്കാന്‍ തയ്യാറെടുക്കുകയായിരുന്നു. എന്നാൽ ശാരീരികമായ അസ്വസ്ഥതകൾ നിമിത്തം ലളിതമായ കുർബാന നടത്തുന്നതിനുള്ള അനുമതി അദ്ദേഹം മേലധികാരികളോട് തേടി. എന്നിരുന്നാലും തീർത്ഥാടകരുടെ എണ്ണം കണ്ടപ്പോൾ ആഘോഷപൂർവ്വമായ കുർബാന അർപ്പിക്കാൻ അദ്ദേഹം തീരുമാനിച്ചു. ആ കുർബാനയായിരുന്നു വിശുദ്ധൻ അവസാനമായി അർപ്പിച്ചത്.

അതിനു ശേഷം ഇരുപത്തിമൂന്നാം തീയതി രാവിലെ അദ്ദേഹം തന്റെ മേലധികാരികളെ വിളിച്ച് വിശുദ്ധി, ദാരിദ്ര്യം, അനുസരണം എന്നിവയെക്കുറിച്ചുള്ള തന്റെ പ്രതിജ്ഞകൾ ഏറ്റുപറയുകയും പുതുക്കുകയും ചെയ്തു. ശേഷം തന്റെ ജപമാലയിലേക്ക് കണ്ണുകൾ ഉറപ്പിച്ച് പ്രാർത്ഥനാനിമഗ്നനായി. ചില വിവരണങ്ങൾ അനുസരിച്ച്, മരിക്കുന്നതിനു മുമ്പ് കന്യാമറിയവും അദ്ദേഹത്തിന്റെ ഭൗമിക അമ്മയും എന്ന് വിശ്വസിക്കപ്പെടുന്ന ‘രണ്ട് അമ്മമാരെ’ താൻ കണ്ടതായി പാദ്രെ പിയോ പറഞ്ഞതായി വെളിപ്പെടുത്തുന്നു. പിന്നീട് അദ്ദേഹം മരണത്തിനു കീഴടങ്ങി.

ഹൃദയാഘാതമായിരുന്നു അദ്ദേഹത്തിന്റെ മരണകാരണം. അദ്ദേഹം അന്തരിച്ചപ്പോൾ പഞ്ചക്ഷതത്തിലെ മുറിവുകൾ ഉടൻ ഭേദമായതായി സമീപത്തുണ്ടായിരുന്നവർ വെളിപ്പെടുത്തുന്നു.

മരിയ ജോസ്

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.