പുതുവർഷ ആഘോഷങ്ങൾക്ക് ശേഷം അരുണച്ചാൽ പ്രദേശിലെ ഒരു കത്തോലിക്കാ ദൈവാലയവും നാലു വീടുകളും തീപിടിത്തത്തിൽ നശിച്ചു. അരുണാചൽ പ്രദേശിലെ ലോങ്ങ്ഡിങ് ജില്ലയിലെ ങ്ങിനു ഗ്രാമത്തിലാണ് സംഭവം.
ദൈവാലയത്തിൽ സൂക്ഷിച്ചിരുന്ന പാട്ട് പുസ്തകങ്ങൾ, ബൈബിൾ, സംഗീത ഉപകരണങ്ങൾ, അൾത്താര, കസേരകൾ തുടങ്ങി എല്ലാം കത്തിനശിച്ചു. നാലു വീടുകളും കത്തി നശിച്ചു. മുളയും പനയുടെ ഓലയും കൊണ്ട് നിർമ്മിച്ചവയായിരുന്നു വീടുകൾ. സമീപ വീടുകളിലെ മേൽക്കൂരകൾ വലിച്ചു മാറ്റിയതിനാൽ തീ പടരുന്നത് ഒഴിവാക്കാൻ കഴിഞ്ഞു.
