വത്തിക്കാനിലെ സുവിശേഷവത്കരണത്തിനായുള്ള തിരുസംഘം തലവൻ കർദ്ദിനാൾ ലൂയിസ് അന്തോണിയോ ടാഗ്ലെ കോവിഡ് മുക്തനായി. ഫിലിപ്പീൻസിലെ മെത്രാന്മാരുടെ സമിതി ഇന്നലെയാണ് ഈ കാര്യം സ്ഥിരീകരിച്ചത്.
കോവിഡ് പോസിറ്റീവ് ആയതിനെ തുടർന്നു 13 ദിവസങ്ങൾക്കു ശേഷം ആയിരുന്നു രോഗമുക്തി. മുഴുവൻ സഭയ്ക്ക് വേണ്ടിയും സന്തോഷകരമായ വാർത്ത എന്ന വിശേഷണത്തോടെയാണ് കർദിനാൾ രോഗത്തിൽ നിന്നും മുക്തി നേടിയ വാർത്ത ബിഷപ്പ്സ് ന്യൂസ് സർവീസ് അറിയിച്ചത്. സെപ്റ്റംബർ 11 -നാണ് കർദിനാളിനു കോവിഡ് സ്ഥിരീകരിച്ചത്. രോഗലക്ഷണങ്ങൾ ഒന്നും ഉണ്ടായിരുന്നില്ല. കോവിഡ് സ്ഥിരീകരിക്കുന്നതിനു ഏതാനും ദിവസങ്ങൾക്കു മുൻപ് വത്തിക്കാനിൽ വച്ച് നടത്തിയ പരിശോധനയിൽ അദ്ദേഹത്തിന് കുഴപ്പം ഒന്നും ഉണ്ടായിരുന്നില്ല.
റോമിൽ നിന്ന് മനിലയിൽ എത്തിയ ശേഷം ആയിരുന്നു കോവിഡ് സ്ഥിരീകരിച്ചത്.
