മാർപാപ്പയുടെ അടുത്ത ഉപദേശകനും കർദ്ദിനാൾമാരുടെ ഉപദേശക സമിതിയെ നയിക്കുന്ന വ്യക്തിയും ആയ കർദ്ദിനാൾ ഓസ്‌കാർ ആൻഡ്രൂസ് റോഡ്രിഗസ് മറഡിയാഗയ്ക്ക് കോവിഡ് സ്ഥിരീകരിച്ചു. ലക്ഷണങ്ങൾ കാണിച്ചതിനെ തുടർന്ന് ആശുപത്രിയിൽ പ്രവേശിപ്പിച്ച അദ്ദേഹത്തിന് കോവിഡ് സ്ഥിരീകരിക്കുകയായിരുന്നു.
ഇപ്പോഴത്തെ അവസ്ഥയിൽ അദ്ദേഹം അൽപ്പം ദുർബലനാണ്. ജനങ്ങളോട് ആശങ്കപ്പെടാതെ പ്രാർത്ഥിക്കുവാനും ഈ സമയത്ത് അത് അത്യാവശ്യമാണെന്നും അദ്ദേഹം പറഞ്ഞു. മുൻപും കർദ്ദിനാൾമാർക്ക് കോവിഡ് സ്ഥിരീകരിച്ചിട്ടുണ്ട്. ഫിലിപ്പിനോ കാർഡിനൽ ലൂയിസ് അന്റോണിയോ ടാഗിൾ, ഇറ്റാലിയൻ കർദിനാൾ ഗ്യൂസെപ്പെ ബെർട്ടെല്ലോ തുടങ്ങിയവർക്കും നേരത്തെ കോവിഡ് സ്ഥിരീകരിച്ചിരുന്നു.
