തനതായ ചിന്തകളിൽ നിന്നും സഭയുടെ ചിന്തകളോട് ചേർന്നു ചിന്തിച്ച് വിശ്വാസത്തിന്റെ തലത്തിൽ പൂർത്തീകരിക്കണമെന്ന് സീറോ മലബാർ സഭ മേജർ ആർച്ചുബിഷപ്പ് കർദ്ദിനാൾ മാർ ജോർജ് ആലഞ്ചേരി.
സീറോ മലബാർ സഭയിൽ ഏകീകൃത കുർബാനക്രമം നടപ്പിലാക്കുന്നതു സംബന്ധിച്ച് സിനഡ് തീരുമാനത്തിന്റെ അടിസ്ഥാനത്തിലുള്ള ഇടയലേഖനം ദേവാലയങ്ങളിൽ വായിച്ച് ഇന്നലെ കുറവിലങ്ങാട് മേജർ ആർക്കി-എപ്പിസ്കോപ്പൽ മർത്ത്മറിയം അർക്കദിയാക്കോൻ ദേവാലയത്തിൽ വിശുദ്ധ കുർബാന അർപ്പിച്ചു സന്ദേശം നൽകുകയായിരുന്നു കർദ്ദിനാൾ.