ബ്രസീലിലെ പോർത്തോ മൂർത്തിൻഹോയിലെ ഫാ. മാത്യൂസ് ഫെറെയിറ എന്ന വൈദികന്റെ കാറിന് അജ്ഞാതർ തീയിട്ടു. എന്നാൽ, അതിശയകരമായി കാറിനുള്ളിൽ ഉണ്ടായിരുന്ന വി. യൗസേപ്പിതാവിന്റെ രൂപം കേടുകൂടാതെ സംരക്ഷിക്കപ്പെട്ടു.
തീ പിടിച്ച കാറിലുണ്ടായിരുന്ന വി. യൗസേപ്പിതാവിന്റെ ചിത്രം തീപിടിത്തത്തെ തുടർന്ന് കേടുകൂടാതെയിരിക്കുന്നത് തന്നെ അതിശയിപ്പിക്കുന്നതായി ഫാ. ഫെറെയിറ വെളിപ്പെടുത്തി. വി. യൗസേപ്പിതാവ് തനിക്ക് വേണ്ടി മധ്യസ്ഥത വഹിച്ചതിനാൽ ഒരാൾ തീ പിടിച്ചത് കാണുകയും അഗ്നിശമന സേനയെ അറിയിക്കുകയും ചെയ്തതെന്ന് ഈ വൈദികൻ വെളിപ്പെടുത്തുന്നു.
പള്ളിമുറിയുടെ പുറത്ത് പാർക്ക് ചെയ്തിരുന്ന കാറിനായിരുന്നു തീയിട്ടത്. കുറ്റവാളികളെ ഇതുവരെ കണ്ടെത്താനായിട്ടില്ല. സംഭവം നടന്ന സ്ഥലത്ത് നിന്നും പൊലീസിന് ഒരു ലൈറ്റർ ലഭിച്ചിട്ടുണ്ട്. പോലീസ് അന്വേഷണം ആരംഭിച്ചിട്ടുണ്ടെങ്കിലും സംഭവസ്ഥലത്ത് സുരക്ഷാ ക്യാമറകളുടെ അഭാവം അന്വേഷണം വൈകിപ്പിച്ചു.
