കാൻസർ ചികിത്സാ വിദഗ്ദൻ ഡോ. ജോജോ വി. ജോസഫിന് ‘ജീവനം അവാർഡ് – 2021’

ആരോഗ്യരംഗത്ത് മികച്ച പ്രവർത്തനം നടത്തുന്നവർക്ക് ജീവനം കാൻസർ സൊസൈറ്റി നൽകുന്ന ‘ജീവനം അവാർഡ് 2021’ ന് ഡോ. ജോജോ വി. ജോസഫിനെ തിരഞ്ഞെടുത്തു. കാൻസർ ബോധവൽക്കരണ രംഗത്ത് നടത്തിക്കൊണ്ടിരിക്കുന്ന ശ്രദ്ധേയമായ പ്രവർത്തനങ്ങൾക്കാണ് അവാർഡ്.

5555 രൂപയും പ്രശസ്തിപത്രവുമാണ് അവാർഡ്. 2022 മെയ് ആദ്യവാരം പത്തനംതിട്ടയിൽ നടക്കുന്ന ചടങ്ങിൽ ആരോഗ്യ വകുപ്പു മന്ത്രി വീണാ ജോർജ് അവാർഡ് സമ്മാനിക്കും. പ്രശസ്ത കാൻസർ രോഗവിദഗ്ധൻ ഡോ. വി. പി ഗംഗാധരനും പുനലൂർ താലൂക്ക് ആശുപത്രി സൂപ്രണ്ട് ഡോ. ഷാഹിർ ഷയുമാണ് മുമ്പ് ജീവനം അവാർഡിന് അർഹരായിട്ടുള്ളത്.

കാൻസർ സർജറികളിലും സമഗ്ര കാൻസർ പരിചരണത്തിലും രണ്ട് പതിറ്റാണ്ടിലേറെ പരിചയമുള്ള ദക്ഷിണേന്ത്യയിലെ പ്രശസ്ത സർജിക്കൽ ഓങ്കോളജിസ്റ്റുകളിൽ ഒരാളാണ് ഡോ. ജോജോ വി. ജോസഫ്. കേരളത്തിലെ ഏറ്റവും മുതിർന്ന എം. സി. എച്ച് യോഗ്യതയുള്ള കാൻസർ സർജനാണ് അദ്ദേഹം. കോട്ടയത്തെ കാരിത്താസ് കാൻസർ ഇൻസ്റ്റിറ്റ്യൂട്ടിന്റെ രൂപകല്പന, വികസനം, കമ്മീഷൻ ചെയ്യൽ എന്നിവയിലെ സ്ഥാപക സംരഭങ്ങളിൽ ഒരാളാണ് അദ്ദേഹം. ദക്ഷിണേന്ത്യയിലെ ഏറ്റവും മികച്ച കാൻസർ സർജറി വിഭാഗങ്ങളിലൊന്നായ കാരിത്താസ് കാൻസർ ഇൻസ്റ്റിറ്റ്യൂട്ടിൽ അദ്ദേഹം സർജിക്കൽ ഓങ്കോളജി വിഭാഗം വികസിപ്പിച്ചെടുത്തു. JCI അംഗീകൃത ആശുപത്രിയായ ധാക്കയിലെ അപ്പോളോ കാൻസർ കെയർ സെന്ററിൽ സർജിക്കൽ ഓങ്കോളജി വിഭാഗം ആരംഭിക്കുന്നതിന്റെ ചുമതല ഡോ. ജോജോ വി. ജോസഫിനായിരുന്നു.

ഇന്ദിരാഗാന്ധി കോ-ഓപ്പറേറ്റീവിവ് ഹോസ്പിറ്റലിന്റെ മിഷൻ കാൻസർ കെയറിൽ സർജിക്കൽ ഓങ്കോളജി വിഭാഗം മേധാവി കൂടിയാണ് അദ്ദേഹം. കൊച്ചിയിലും പരിസരത്തുമുള്ള സാധാരണക്കാരുടെ കാൻസർ ശസ്ത്രക്രിയ ആവശ്യങ്ങൾ നിറവേറ്റുന്ന കാൻസർ ശാസ്ത്രക്രിയ വിഭാഗം ഇന്ദിരഗാന്ധി സഹകരണ ആശുപത്രിയിൽ തുടങ്ങിയത് ഡോ. ​​ജോജോ വി. ജോസഫാണ്. ഇന്ത്യയിലും വിദേശത്തുമായി 16000-ലധികം വിജയകരമായ കാൻസർ ശസ്ത്രക്രിയകളുടെ ശ്രദ്ധേയമായ ക്രെഡിറ്റ് റെക്കോർഡ് അദ്ദേഹത്തിനുണ്ട്. ഇതുവരെ 20000-ത്തിലധികം കാൻസർ രോഗികളെ അദ്ദേഹം ചികിത്സിച്ചു.

സ്തനാർബുദ ശസ്ത്രക്രിയ, വായ & തൊണ്ട കാൻസർ ശസ്ത്രക്രിയകൾ, ഗൈനക്കോളജിക്കൽ കാൻസർ സർജറികൾ, ഗ്യാസ്ട്രോ ഇന്റസ്റ്റൈനൽ കാൻസർ ശസ്ത്രക്രിയകൾ എന്നിവയാണ് അദേഹത്തിന്റെ താല്പര്യ മേഖലകൾ. ഹെപ്പറ്റോബിലിയറി, പാൻക്രിയാറ്റിക് ക്യാൻസർ സർജറികളും ക്യാൻസറിനും ശ്വാസകോശത്തിനും വേണ്ടിയുള്ള മിനിമൽ ആക്സസ് സർജറികളും അന്നനാളം കാൻസർ ശസ്ത്രക്രിയകളിലും ആണ് അദ്ദേഹം ചെയ്തിട്ടുള്ളത്.

യോഗ്യതകൾ 

1. എം .സി .എച്ച് (ഓങ്കോ സർജറി) ഗുജറാത്ത് യൂണിവേഴ്സിറ്റി

2. എം.എസ് (സർജറി) സൗരാഷ്ട്ര യൂണിവേഴ്സിറ്റി

3. എംബിബിസ്. മെഡിക്കൽ കോളേജ് കോട്ടയം

നേട്ടങ്ങളും വൈദഗ്ധ്യവും

1. മിനിമൽ ആക്സസ് സർജറിയിൽ ഫെലോഷിപ്പ്.

2. ഓർഗൻ കൺസർവിംഗ് ക്യാൻസർ സർജറികളിൽ പരിശീലനം

3. മുൻ സീനിയർ കൺസൾട്ടന്റ് സർജിക്കൽ ഓങ്കോളജി, അപ്പോളോ കാൻസർ കെയർ .

4. അഹമ്മദാബാദ് ബി.ജെ മെഡിക്കൽ കോളേജിലെ മുൻ അധ്യാപക ഫാക്കൽറ്റി.

5. കാൻസർ സർജറികളിൽ നിരവധി സർജന്മാർക്ക് പരിശീലനം നൽകി.

6. 50-ലധികം ശിൽപശാലകളിലും സർജിക്കൽ ഓങ്കോളജി കോൺഫറൻസിലും ഫാക്കൽറ്റിയായി പങ്കെടുത്തു.

7. ഇൻഡെക്‌സ് ചെയ്‌ത ജേണലുകളിൽ കാൻസർ സർജറികളെക്കുറിച്ച് 20-ലധികം പ്രസിദ്ധീകരണങ്ങൾ ഉണ്ട്.

8. 200-ലധികം കാൻസർ ബോധവൽക്കരണ പരിപാടികൾ നടത്തി.

9. ഇന്ത്യയിലെ മികച്ച 10 ഓങ്കോ സർജൻമാരിൽ ഒരാളായി ഗോൾഡൻ എയിം അവാർഡ്.

10. 16000-ലധികം കാൻസർ ശസ്ത്രക്രിയകൾ നടത്തി.

11. ദീപിക കാൻസർ സർജറി എക്സലൻസ് അവാർഡ് 2021

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.