വിശുദ്ധ കുര്‍ബാനയിലൂടെ ലഭിക്കുന്ന നന്മകള്‍

ക്രിസ്തുവുമായുള്ള ഒന്നുചേരല്‍

വിശുദ്ധ കുര്‍ബാനയില്‍ യേശുവിനെ സ്വീകരിക്കുമ്പോള്‍ നാം ക്രിസ്തുവുമായി ഒന്നായിത്തീരുകയാണ്. മെഴുക് മറ്റൊരു മെഴുകില്‍ ചേരുന്നതുപോലെ എന്നാണ് അലക്സാന്‍ഡ്രയിലെ വി. സിറില്‍ വിശദീകരിക്കുന്നത്.

ലഘുപാപങ്ങള്‍ നീക്കുന്നു

വിശുദ്ധ കുര്‍ബാന ലഘുപാപങ്ങളെ ഇല്ലായ്മ ചെയ്യുന്നു. പരസ്നേഹത്തിനും തീക്ഷണതയ്ക്കും തടസ്സം നില്‍ക്കുന്നവയാണ് ലഘുപാപങ്ങള്‍. എന്നാല്‍ ദിവ്യകാരുണ്യം സ്വീകരിക്കുന്നതിലൂടെ നമ്മിലുള്ള ലഘുപാപങ്ങള്‍ ദഹിച്ചുപോകുകയും നാം ശുദ്ധിയുള്ളവരാകുകയും ചെയ്യുന്നു.

മാരകപാപത്തില്‍ നിന്ന് നാം സംരക്ഷിക്കപ്പെടുന്നു

നാം മാരകപാപത്തിലാണെങ്കില്‍ വിശുദ്ധ കുര്‍ബാന സ്വീകരിക്കുന്നതില്‍ നിന്ന് ഒഴിഞ്ഞുനില്‍ക്കണം. അതേ സമയം കഴിയുമ്പോഴെല്ലാം നാം വിശുദ്ധ കുര്‍ബാന സ്വീകരിക്കുകയാണെങ്കില്‍ നാം മാരകപാപം ചെയ്യുന്നതില്‍ നിന്ന് സംരക്ഷിക്കപ്പെടും.

യേശുവുമായി വ്യക്തിപരമായ ബന്ധമുണ്ടാകുന്നു

പ്രധാനമായും വിശുദ്ധ കുര്‍ബാനയിലൂടെയാണ് നാം യേശുവുമായി വ്യക്തിബന്ധം സ്ഥാപിക്കുന്നത്. സഭയുടെ ജീവിതത്തിന്റയെും ദൗത്യത്തിന്റയെും പരമോന്നതിയായ വിശുദ്ധ കുര്‍ബാനയിലൂടെ നാം പരിശുദ്ധാത്മാവിലുള്ള ജീവിതം ജീവിക്കുന്നു എന്ന് ബെനഡിക്ട് പതിനാറാമന്‍ പാപ്പാ പറയുന്നുണ്ട്.

ജീവന്‍ നല്‍കുന്നു

വിശുദ്ധ കുര്‍ബാന ജ്ഞാനസ്നാനത്തിലൂടെ നമുക്കു ലഭിച്ച കൃപയുടെ ജീവിതം നവീകരിക്കുകയും വര്‍ദ്ധിപ്പിക്കുകയും സംരക്ഷിക്കുകയും ചെയ്യുന്നു.

ഇതിനെല്ലാം പുറമേ,

യേശുവിന്റെ ശരീരവുമായി ഐക്യം നല്‍കുന്നു.
ദരിദ്രരെ സനേഹിക്കാന്‍ നമ്മെ പ്രാപ്തരാക്കുന്നു.
ആത്മീയ സമാശ്വാസം ലഭിക്കുന്നു.
സമാധാനം സ്ഥാപിക്കുന്നു.
ജീവിതത്തിന് ദൈവികമായ ലക്ഷ്യം നല്‍കുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.