സാംസ്ക്കാരിക മൂല്യവും നൻമയും ഓരോ വിദ്യാർഥിയിലും ഉണ്ടാകുമ്പോഴാണ് യഥാർഥ വ്യക്തിത്വം രൂപപ്പെടുന്നത് എന്ന് പത്തനംതിട്ട രൂപതാ ബിഷപ് ഡോ. സാമുവൽ മാർ ഐറേനിയോസ്. പട്ടം സെന്റ് മേരീസ് ഹയർ സെക്കൻഡറി സ്കൂളിന്റെ ആശീർവാദ ചടങ്ങിൽ പ്രസംഗിക്കുകയായിരുന്നു ബിഷപ്.
പട്ടം സെന്റ് മേരീസ് സ്കൂളിനെ വ്യത്യസ്തമാക്കുന്നത് തലമുറകൾ കൈമാറിയ സംസ്കാരമാണെന്ന് അദ്ദേഹം ചൂണ്ടികാണിച്ചു.സ്കൂൾ പ്രിൻസിപ്പൽ ഫാ. സി.സി. ജോൺ അധ്യക്ഷത വഹിച്ചു. ഹെഡ്മാസ്റ്റർ എബി ഏബ്രഹാം, ഫാ. നെൽസൺ വലിയ വീട്ടിൽ, ഫാ. ഗീവർഗീസ് എഴിയത്ത്, ഫാ. ജോർജ് തോമസ്, ഫാ. ആൽബിൽ തേവല പുറത്ത്, ഫാ. ബിനോയി മേച്ചേരി മുകളിൽ, ഫാ. ജേക്കബ്, പിടിഎ പ്രസിഡന്റ് എ. ജയകുമാർ, വൈസ് പ്രസിഡന്റ് രമാദേവി തുടങ്ങിയവർ സംബന്ധിച്ചു.