മദ്യവിൽപ്പന ശാലകളുടെ എണ്ണം വർദ്ദിപ്പിക്കാനുള്ള സർക്കാർ നീക്കം അപലപനീയമെന്ന് കേരളം മദ്യവിരുദ്ധ ജനകീയ മുന്നണി അധ്യക്ഷൻ ബിഷപ്പ് ജോഷ്വാ മാർ ഇഗ്നാത്തിയോസ്. കേരള മദ്യവിരുദ്ധ ജനകീയ മുന്നണി ലിക്വർ ക്വിറ്റ് ദിനാചരണത്തിന്റെ ഭാഗമായി സെക്രട്ടറിയേറ്റിന് മുൻപിൽ നടത്തിയ ധർണ്ണയിൽ അധ്യക്ഷ പ്രസംഗം നടത്തുകയായിരുന്നു അദ്ദേഹം.
സംസ്ഥാനത്തെ വിദേശ മദ്യവിൽപ്പന ശാലകളുടെ എണ്ണം ആറിരട്ടി വർദ്ധിപ്പിക്കാൻ സംസ്ഥാന എക്സൈസ് കമ്മീഷണർ നികുതി ജോയിന്റ് സെക്രട്ടറിക്ക് നൽകിയ ശുപാർശ പിൻവലിക്കണമെന്നും അദ്ദേഹം ആവശ്യപ്പെട്ടു. മദ്യശാലകളുടെ എണ്ണം വർദ്ധിപ്പിക്കുന്നത് വഴി മദ്യപാനം പ്രോത്സാഹിപ്പിക്കുകയാണ് സർക്കാർ ചെയ്യുന്നത് എന്നും അദ്ദേഹം പറഞ്ഞു.
