യാക്കോബായ സുറിയാനി സഭയുടെ ശ്രേഷ്‌ഠ കതോലിക്കാ ബസേലിയോസ് തോമസ് പ്രഥമൻ ബാവായുടെ 93 -മത് ജന്മദിനാഘോഷം ഇന്ന്. പുത്തൻകുരിശ് പാത്രിയർക്കാ സെന്ററിലെ മാർ അത്താനാസിയോസ് കത്തീഡ്രലിൽ മെത്രാപ്പോലീത്തൻ ട്രസ്റ്റി ജോസഫ് മാർ ഗ്രിഗോറിയോസ് ഇന്ന് രാവിലെ വിശുദ്ധ കുർബാനയർപ്പിച്ചു ബാവായുടെ ആയുരാരോഗ്യത്തിനായി പ്രാർത്ഥന നടത്തി.
സീറോ മലബാർ സഭ മേജർ ആർച്ചുബിഷപ്പ് മാർ ജോർജ് ആലഞ്ചേരി അദ്ദേഹത്തെ സന്ദർശിച്ച് ആശംസകൾ നേർന്നു. ഡോ.മാത്യൂസ് മാർ അന്തിമോസ് മെത്രാപ്പോലീത്ത ഒപ്പമുണ്ടായിരുന്നു. കോവിഡ് സാഹചര്യത്തിൽ ഡോക്ടർമാരുടെ നിർദ്ദേശം അനുസരിച്ച് കൂടുതൽ സന്ദർശകരെ അനുവദിക്കില്ല.
