സീറോ മലബാർ ഉയിർപ്പുകാലം രണ്ടാം വ്യാഴം ഏപ്രിൽ 28 മത്തായി 15: 21-28 വലിയ വിശ്വാസം

തുടർച്ചയായ അപേക്ഷയാണ് കാനാൻകാരിയെ ‘വലിയ വിശ്വാസത്തിന്റെ ഉടമ’ എന്ന് വിശേഷിപ്പിക്കാൻ ഈശോയെ പ്രേരിപ്പിച്ചത്. തന്റെ മകളെ പിശാച് ക്രൂരമായി ബാധിച്ചിരിക്കുന്നു എന്ന അവളുടെ ആദ്യ അപേക്ഷയ്ക്ക് ഈശോ ഒരു വാക്കു പോലും ഉത്തരം പറഞ്ഞില്ല (23). പിന്നീടവൾ പിന്നാലെ വന്ന് നിലവിളിച്ചപ്പോൾ നൽകിയ ഉത്തരം, താൻ ഇസ്രായേൽ മക്കൾക്കു വേണ്ടി വന്നവനാണ് എന്നായിരുന്നു. തന്നെ സഹായിക്കണമെന്ന് അവള്‍ വീണ്ടും അപേക്ഷിച്ചപ്പോൾ നിഷേധാത്മകമായ മറുപടിയായിരുന്നു ലഭിച്ചത്. എങ്കിലും നിരാശയാകാതെ അവൾ അപേക്ഷിക്കുകയാണ്. അവിടെ യേശു, അവൾ ആഗ്രഹിച്ചത് നൽകുകയും അവളുടെ വിശ്വാസത്തെ പ്രകീർത്തിക്കുകയും ചെയ്തു.

മൂന്നു വട്ടം നിഷേധിച്ചിട്ടും തുടർച്ചയായി അപേക്ഷിക്കാൻ മനസു കാണിച്ച അവളുടെ വിശ്വാസം വലുത് തന്നെയാണ്. പ്രാർത്ഥനയിൽ ചോദിക്കുമ്പോഴേ ലഭിക്കാതെ വരുമ്പോൾ നിരാശരാകുന്ന ആളുകളാണ് നമ്മൾ. പ്രാർത്ഥന കേൾക്കുന്നില്ല എന്നു തോന്നുമ്പോഴും പ്രാർത്ഥിച്ചതിന്റെ നേർവിപരീതം സംഭവിക്കുമ്പോഴും പ്രാർത്ഥിച്ചു കൊണ്ടേയിരിക്കുക. കാനാൻകാരിയാണ് അതിന് മാതൃക.

ഫാ. ജി. കടൂപ്പാറയിൽ MCBS

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.