ശിഷ്യത്വത്തിന്റെ വിലയെക്കുറിച്ചുള്ള ധ്യാനമാണ് നമ്മൾ ഇന്ന് നടത്തുന്നത്. ‘വലിയ ജനക്കൂട്ടങ്ങൾ’ അവന്റെ അടുത്തു വന്നപ്പോഴാണ് (25) ശിഷ്യത്വം വിലപിടിപ്പുള്ള ഒന്നാണെന്ന് ഈശോ പറയുന്നത്. ആൾക്കൂട്ടത്തോടൊപ്പം ചേർന്ന് വെറുതെ നടത്താവുന്ന ഒന്നല്ല അത്. വ്യക്തിപരമായി ഒരു ബന്ധമാണ് അത്. വ്യക്തിപരമായ – വ്യക്തമായ വിലയും അതിന് നൽകേണ്ടിവരും.
ഗോപുരം പണിയാൻ പോകുന്ന ആളിന്റെയും യുദ്ധത്തിനു പോകുന്ന രാജാവിന്റെയും ഉപമകളിലൂടെ ഈശോ വ്യക്തമാക്കുന്നത്, ശിഷ്യത്വം എന്നത് ഗൗരവമേറിയ ഉത്തരവാദിത്വം ഉൾച്ചേർന്നിരിക്കുന്ന ഒന്നാണെന്നാണ്. വില കൊടുത്താലേ, വിലപിടിപ്പുള്ളത് ലഭിക്കൂ എന്നത് വിസ്മരിക്കാതിരിക്കാം.
ഫാ. ജി. കടൂപ്പാറയിൽ MCBS
