ഈശോ തന്റെ ശിഷ്യന്മാർക്ക് നൽകുന്ന വിവിധ ഉപദേശങ്ങളാണ് ഇന്നത്തെ ധ്യാനവിഷയം. വ്യത്യസ്തങ്ങളായ സാഹചര്യങ്ങളിൽ എങ്ങനെ പെരുമാറണമെന്ന് ഈശോ ശിഷ്യരോട് പറയുന്നു.
ഒന്നാമതായി, ശിഷ്യൻ മൂലം ഇടർച്ചകൾ ഉണ്ടാകരുതെന്നു പറയുന്നു; ഉണ്ടായാൽ എന്തു ചെയ്യണമെന്നും. രണ്ടാമതായി, സഹോദരങ്ങളോട് അളവറ്റ കരുണ കാണിക്കണമെന്നു പഠിപ്പിക്കുന്നു. മൂന്നാമതായി, വിശ്വാസത്തിന്റെ പ്രാധാന്യത്തെക്കുറിച്ചു പറയുന്നു. അവസാനമായി പ്രതിഫലം ആഗ്രഹിക്കാതെ ശിഷ്യൻ സത്ക്കർമ്മങ്ങൾ ചെയ്യണമെന്ന് ഓർമ്മിപ്പിക്കുന്നു. ഈ നാല് ഉപദേശങ്ങളും കാലവും ദേശവും കടന്ന് നമ്മുടെ ഹൃദയവാതിൽക്കൽ എത്തിനിൽക്കുന്നു. ഇതിൽ ഏതൊക്കെ ഉപദേശം ഇതുവരെ നമ്മൾ സ്വീകരിച്ചിട്ടുണ്ട്?
ഫാ. ജി. കടൂപ്പാറയിൽ MCBS
