“എന്റെ ശരീരം ഭക്ഷിക്കുകയും എന്റെ രക്തം പാനം ചെയ്യുകയും ചെയ്യുന്നവൻ എന്നിലും ഞാൻ അവനിലും വസിക്കുന്നു.” യേശു നമ്മിലും നമ്മൾ യേശുവിലും വസിക്കാനുള്ള വഴിയെന്താണ് എന്നതാണ് ഈ വചനഭാഗത്തിലൂടെ നമ്മൾ മനസിലാക്കുന്നത്. അവനിൽ വസിക്കാനും അവൻ നമ്മിൽ വസിക്കാനും നമ്മൾ അവന്റെ ശരീരവും രക്തവും സ്വീകരിക്കുക. ജീവിതം മുഴുവൻ യേശുവോട്‌ ഒന്നായിരിക്കാനുള്ള മാർഗ്ഗമാണത്. ഈ ജീവിതത്തിൽ മാത്രമല്ല, നിത്യജീവൻ ലഭിക്കാനും അതാണ് മാർഗ്ഗം.
നമ്മൾ നടത്തുന്ന ദിവ്യകാരുണ്യ സ്വീകരണങ്ങൾ യഥാർത്ഥത്തിൽ നമ്മെ യേശുവിനോട് ഒരുമിപ്പിക്കുന്നുണ്ട്. നമ്മൾ അതിനെക്കുറിച്ച് ബോധവാന്മാരാണോ എന്ന് ചിന്തിക്കേണ്ടിയിരിക്കുന്നു. ഈ ഭൂമിയിൽ വച്ചു തന്നെ ഈശോയോട് ഒന്നിക്കാനുള്ള മാർഗ്ഗം എന്താണെന്ന് അറിയുകയും എന്നാൽ അതിന് ശ്രമിക്കാതിരിക്കുകയും ചെയ്യുന്ന വിഡ്ഢികളായി നമ്മൾ മാറരുത്.
ഫാ. ജി. കടൂപ്പാറയിൽ MCBS
