മനുഷ്യപുത്രൻ ആരെന്നുള്ള ചോദ്യമുയർത്തുന്നത് മനുഷ്യപുത്രൻ തന്നെ! ശിഷ്യന്മാരോടു ചോദിക്കുമ്പോൾ പലർക്കും പല ഉത്തരങ്ങളാണ്. ഈശോ എന്നോടാണ് ആ ചോദ്യം ചോദിക്കുന്നതെങ്കിൽ എന്തായിരിക്കും ഉത്തരം. വ്യക്തിപരമായി ഈശോ എനിക്കാരാണ് എന്ന് കണ്ടുപിടിക്കുക.
എന്റെ ഏകരക്ഷകനാണ്, വഴിയാണ്, ജീവനാണ്, ഗുരുവാണ് എന്നൊക്കെ നമ്മൾ പറയുമായിരിക്കും. എങ്കിലും എന്റെ വ്യക്തിജീവിതവുമായി ബന്ധപ്പെട്ട് ഈശോ എനിക്ക് ആരാണ്? ഉത്തരം തികച്ചും വ്യക്തിപരമായിരിക്കണം. പത്രോസിന്റെ ഉത്തരം വ്യക്തിപരമായിരുന്നു. ആ ഉത്തരമാണ് ഈശോയുടെ മുന്നിൽ എന്റെ സ്ഥാനം അടയാളപ്പെടുത്തുന്നത്. നമ്മുടെ വ്യക്തിജീവിതത്തിൽ ഈശോ ആരാണെന്ന ചോദ്യത്തിന് നമ്മൾ ഉത്തരം കണ്ടെത്തേണ്ടിയിരിക്കുന്നു.
ഫാ. ജി. കടൂപ്പാറയിൽ MCBS
