“ദൈവം അയച്ചവൻ ദൈവത്തിന്റെ വാക്കുകൾ സംസാരിക്കുന്നു” (34) എന്ന വചനം നമ്മുടെ ഹൃദയങ്ങളിലേക്ക് പ്രവേശിക്കട്ടെ. ദൈവം അയച്ച ആളാണ് സ്നാപകയോഹന്നാൻ. സ്നാപകൻ സംസാരിച്ചത് ദൈവത്തിന്റെ വാക്കുകൾ മാത്രമായിരുന്നു. ഈശോയും അങ്ങനെ തന്നെ. ആളുകൾ ശ്രവിച്ചില്ല, അംഗീകരിച്ചില്ല. മറ്റുള്ളവര്‍ എതിർത്തു എന്നതുകൊണ്ട് അവർ ദൈവത്തിന്റെ വാക്കുകൾ അറിയിക്കുന്നതിൽ നിന്ന് പിന്മാറിയില്ല.
നാമും യഥാർത്ഥത്തിൽ ഈ ഭൂമിയിൽ ദൈവത്താൽ അയയ്ക്കപ്പെട്ടവരാണ്. നമ്മിൽ നിന്നു പുറപ്പെടുന്നത് ദൈവത്തിന്റെ വാക്കുകളും പ്രവർത്തനങ്ങളുമായിരിക്കണം. അങ്ങനെയാണോ ഇപ്പോൾ സംഭവിച്ചുകൊണ്ടിരിക്കുന്നത് എന്ന് ധ്യാനിക്കുക ഉചിതമാണ്.
ഫാ. ജി. കടൂപ്പാറയിൽ MCBS
