വെള്ളപ്പൊക്കമുണ്ടാവുകയും ഒഴുക്ക് ആഞ്ഞടിക്കുകയും ചെയ്തിട്ടും ഇളക്കാൻ കഴിയാത്ത വീട് എത്ര ഉറപ്പുള്ളതായിരിക്കും. ഈശോയുടെ ഈ ഉപമ നമ്മുടെ അനുദിന ജീവിതത്തിലേക്ക് വിരൽ ചൂണ്ടുന്നതാണ്. ദൈവവിശ്വാസത്തിൽ അടിയുറച്ച ജീവിതമുള്ളവരെ പ്രതിസന്ധികളും പ്രലോഭനങ്ങളും തകർക്കാറില്ല. രോഗങ്ങൾ വന്നാലും ദുരിതങ്ങൾ വിടാതെ പിന്തുടർന്നാലും തകർച്ചകൾ സംഭവിച്ചാലും അവരുടെ മനസ്സ് ദൈവത്തിൽ ഉറച്ചിരിക്കും. ജീവിതത്തിലെ ഓരോ സംഭവത്തിലൂടെയും ദൈവം ഓരോ കാര്യം പഠിപ്പിക്കുകയാണ് എന്ന് അവർ വിശ്വസിക്കും. ആ വിശ്വാസം ഭാവാത്മകമായി ചിന്തിക്കാനും അപകടങ്ങളെ അതിജീവിക്കാനും തകർന്നിരിക്കുന്നവരെ ഉയർച്ചയിലേക്കു നയിക്കാനും അവരെ സഹായിക്കുന്നു.
ദൈവഹിതം മനസ്സിലാക്കാനും അതിനനുസരിച്ചു പ്രവര്‍ത്തിക്കാനും നമുക്കു സാധിക്കട്ടെ.
ഫാ. ജി. കടൂപ്പാറയിൽ MCBS
