തടസം പറയുന്ന പത്രോസിനോട് യേശു പറയുന്നു: “സാത്താനേ എന്റെ മുമ്പില്‍ നിന്നു പോകൂ. നീ എനിക്ക് പ്രതിബന്ധമാണ്.” പ്രലോഭനം ദൈവികരീതിയായ നിസ്വാര്‍ത്ഥതക്കുള്ള തടസമാണ്. എന്നേക്കാള്‍ പ്രാധാന്യം എന്റെ സഹജന് കൊടുക്കുന്നത് നിസ്വാര്‍ത്ഥത; എല്ലാവരെയുംകാള്‍ എനിക്ക് പ്രാധാന്യം കൊടുക്കുന്നത് സ്വാര്‍ത്ഥത. ഇത് പ്രലോഭനമാണ്. ഇത് കൈമുതലായിട്ടുള്ളവനെ യേശു വിളിക്കുന്നത് ‘സാത്താനേ’ എന്നാണ്.
നിസ്വാര്‍ത്ഥതയാകുന്ന ദൈവിക സ്വഭാവവും സ്വാര്‍ത്ഥതയാകുന്ന സാത്താനും എന്റെ സ്വഭാവത്തിന്റെ രണ്ടു വശങ്ങളാണ്.
