ഈശോ ശിഷ്യന്മാര്‍ക്ക് പ്രത്യക്ഷപ്പെടുമ്പോഴൊക്കെ ആശംസിക്കുന്നത് ‘നിങ്ങള്‍ക്ക് സമാധാനം’ എന്നാണ് (യോഹ. 20:27). അപ്പോള്‍ ക്രിസ്തു ജനിക്കുമ്പോഴും ജീവിച്ചിരുന്നപ്പോഴും ഉത്ഥിതനായതിനു ശേഷവും നമുക്ക് നല്‍കുന്നത് സമാധാനം മാത്രമാണ്. പിന്നെ എങ്ങനെ ഈ സമാധാനം മാത്രം നമുക്ക് അന്യമായി മാറി? അവന്‍ തന്നിട്ടുപോയ സമാധാനം നമുക്ക് എങ്ങനെ കൈവിട്ടുപോയി? ആത്മാര്‍ത്ഥമായൊരു ആത്മപരിശോധനയിലൂടെ ഈ സമാധാനം നമുക്ക് എങ്ങനെ കൈവിട്ടുപോയി എന്ന് കണ്ടുപിടിക്കാവുന്നതാണ്.
