ഉത്ഥാനം ചെയ്ത ഈശോ പ്രത്യക്ഷപ്പെടുമ്പോള്‍ ഏവര്‍ക്കും നല്‍കുന്നത് സമാധാനമാണ്. കരഞ്ഞുകൊണ്ടിരുന്ന മഗ്ദലേന മറിയത്തിന്റെ മുന്‍പില്‍ വന്ന് അവളുടെ ആകുലതയും വേദനയും മാറ്റുന്നു. ഭയന്ന് കതകടച്ചിരുന്ന ശിഷ്യരുടെ മുന്‍പില്‍ നിന്ന് അവര്‍ക്കും സമാധാനം ആശംസിക്കുന്നു. അതുവഴി അവരുടെ സംശയങ്ങള്‍ നീങ്ങുകയും അവരും സമാധാനത്തിലേക്ക് വരികയും ചെയ്യുന്നു.
ഉത്ഥാനം ചെയ്ത ഈശോ ഇന്നും എന്നും, നമുക്കും ആശംസിക്കുന്നതും സമാധാനമാണ്. അനുദിന ജീവിതത്തില്‍ ഈ സമാധാനം സ്വീകരിച്ച്, ജീവിതയാത്ര മുന്‍പോട്ടു തുടരുക എന്നത് നമ്മുടെ ഉത്തരവാദിത്വമാണ്.
ഫാ. ജി. കടൂപ്പാറയില്‍ MCBS
