അർജന്റീനയിലെ കത്തീഡ്രലിൽ ദിവ്യകാരുണ്യത്തിനു നേരെ ആക്രമണം

അർജന്റീനയിലെ ബ്യൂണോസ് ഐറിസിലെ സാൻ മറൂൺ കത്തീഡ്രലിൽ അജ്ഞാതർ ദിവ്യകാരുണ്യത്തെ ആക്രമിച്ചു. ആശീർവദിച്ച് സക്രാരിയിൽ സൂക്ഷിച്ചിരുന്ന തിരുവോസ്തികൾ നിലത്ത് വലിച്ചെറിഞ്ഞ നിലയിൽ കാണപ്പെട്ടു. ഈ സംഭവത്തെ അർജന്റീനൻ എപ്പിസ്‌കോപ്പൽ കോൺഫറൻസ് അപലപിക്കുകയും പ്രാദേശിക മാരോനൈറ്റ് സമൂഹത്തിനു ഐക്യദാർഢ്യം പ്രകടിപ്പിക്കുകയും ചെയ്തു.

“ഞങ്ങളുടെ പ്രിയപ്പെട്ട സഹോദരങ്ങൾ അനുഭവിക്കുന്ന വേദനയുടെ നിമിഷത്തിൽ ഞങ്ങൾ ദൈവത്തിന്റെ കരുണ യാചിക്കുന്നു. വിശ്വാസസമൂഹത്തിനു സംഭവിച്ച പ്രശ്നങ്ങൾ പരിഹരിക്കാനായി ഞങ്ങൾ പ്രാർത്ഥനയിൽ ഐക്യപ്പെടുന്നു” – എപ്പിസ്‌കോപ്പൽ കോൺഫറൻസ് പ്രസ്താവിച്ചു.

മാരോനൈറ്റ് സമൂഹത്തിന്റെ ബിഷപ്പായ മോൺ. കാർലോസ് മൽഫയെ അഭിസംബോധന ചെയ്തുകൊണ്ട് എപ്പിസ്‌കോപ്പൽ കോൺഫറൻസ് കത്ത് അയയ്ക്കുകയൂം ചെയ്തു. അർജന്റീനയിൽ ദൈവാലയത്തിനും പുരോഹിതർക്കും നേരെയുള്ള ആക്രമണം വർദ്ധിച്ചുവരികയാണ്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.