കൊച്ചി: യുവാക്കളും വിദ്യാർഥികളും സമൂഹത്തിന്റെ മുഖ്യധാരയിലേക്കെത്തണമെന്ന് ആർച്ച്ബിഷപ് ഡോ. ഫ്രാൻസിസ് കല്ലറയ്ക്കൽ. കെസിഎസ്എലിന്റെ സംസ്ഥാനതല ആനിമേറ്റർമാരുടെ സംഗമവും അധ്യാപക അവാർഡ് ദാനവും പാലാരിവട്ടം പിഒസിയിൽ ഉദ്ഘാടനം ചെയ്യുകയായിരുന്നു അദ്ദേഹം.
സംസ്ഥാന പ്രസിഡന്റെ മാത്തുക്കുട്ടി കുത്തനാപ്പിള്ളി അധ്യക്ഷത വഹിച്ച സമ്മേളനത്തിൽ പിഒസി ഡയറക്ടർ റവ.ഡോ. വർഗീസ് വള്ളിക്കാട്ട്, ചാർളി പോൾ എന്നിവർ ക്ലാസുകൾ നയിച്ചു.
അധ്യാപക അവാർഡ് ജോസി ബാസ്റ്റിനും ആനിമേറ്റർ പുരസ്കാരം സിസ്റ്റർ ലിസി ദേവസിയും ഏറ്റുവാങ്ങി. ഡിസിഎൽ സംസ്ഥാന ഡയറക്ടർ ഫാ. റോയി കണ്ണൻചിറ രചിച്ച “ആഴമില്ലാത്ത അരുവികൾ’, കെസിഎസ്എൽ സംസ്ഥാന ഡയറക്ടർ ഫാ. തോംസണ് പഴയചിറപീടികയിൽ രചിച്ച ഉപപാഠ പുസ്തകമായ “വെണ്മഞ്ഞുപോലൊരു മഹാവിശുദ്ധൻ’ എന്നീ ഗ്രന്ഥങ്ങൾ പ്രകാശനം ചെയ്തു.
