അത്ഭുതമെഡലിന്റെ മാതാവ്
ഫ്രഞ്ച് സന്യാസിയായ കാതറിൻ ലബോറക്ക് തന്റെ സന്യാസജീവിതത്തിലെ നൊവൺഷീറ്റ് കാലഘട്ടത്തിൽ പരിശുദ്ധ അമ്മയുടെ അനേകം പ്രത്യക്ഷീകരണങ്ങൾ ലഭിച്ചിട്ടുണ്ട്. പരിശുദ്ധ കന്യാമറിയത്തെ കാണാൻ വളരെയധികം ആഗ്രഹിക്കുകയും ഈശോയോട് അതിനു വേണ്ടി പ്രാർത്ഥിക്കുകയും ചെയ്തിരുന്നു. 1830 ജൂലൈ 18 -ന് രാത്രി കാതറിൻ നിദ്രയിലായിരുന്നപ്പോൾ അവളുടെ സമീപം ഒരു ബാലൻ പ്രത്യക്ഷപ്പെട്ടുകൊണ്ട് ഇപ്രകാരം പറഞ്ഞു: “എഴുന്നേൽക്കുക, പരിശുദ്ധ കന്യകാമറിയം നിനക്കായി കാത്തിരിക്കുന്നു.”
ബാലൻ അവളെ ചാപ്പലിലേക്ക് കൂട്ടിക്കൊണ്ടു പോയി. അവിടെ പരിശുദ്ധ അമ്മ പ്രത്യക്ഷപ്പെട്ടുകൊണ്ട് ഉപകാരംപറഞ്ഞു: “ദൈവം നിന്നെ ഒരു ദൗത്യം ഏൽപ്പിച്ചിരിക്കുന്നു. ലോകം മുഴുവൻ വലിയ ദുരന്തങ്ങൾ ഉണ്ടാകാൻ പോകുന്നു. എന്നാൽ കത്താവിന്റെ അൾത്താരയിൽ ലോകത്തിനു വേണ്ടി നീ പ്രാർത്ഥിക്കണം.
ചെറുതും വലുതുമായ എല്ലാ അനുഗ്രഹങ്ങളും കർത്താവ് നിനക്ക് നൽകും.”
പിന്നീട് 1830 നവംബർ 27 -നു നടന്ന രണ്ടാമത്തെ പ്രത്യക്ഷീകരണത്തിൽ പരിശുദ്ധ അമ്മ കാതറിന് അത്ഭുതകരമായ ഒരു മെഡലിന്റെ രൂപം സമ്മാനിച്ചു. ആ മെഡൽ സ്നേഹത്തിന്റെ അടയാളവും സംരക്ഷണത്തിന്റെ പ്രതീകവും അതിൽ വിശ്വസിക്കുന്നവർക്ക് ആ മെഡൽ കൃപയുടെ ഉറവിടവുമാണെന്ന് മറിയം പറഞ്ഞു. ആ മെഡലിൽ കന്യകയുടെ കൈയ്യിലുള്ള വളയങ്ങളും വിലയേറിയ കല്ലുകളും കൊണ്ട് അലങ്കരിച്ചിരുന്നു. അതിൽ നിന്നും പ്രകാശകിരണങ്ങൾ താഴേക്ക് പതിച്ചിരിക്കുന്നു. ആ കിരണങ്ങൾ താൻ ചൊരിയുന്ന കൃപയുടെ പ്രതീകമാണെന്ന് പരിശുദ്ധ അമ്മ കാതറിന് വ്യക്തമാക്കി കൊടുത്തു.
ആ മെഡലിൽ ഇപ്രകാരം എഴുതിയിരിക്കുന്നു: “മറിയമേ, പാപം ഇല്ലാതെ ഗർഭം ധരിച്ചവളേ, നിന്നോട് സഹായം ചോദിക്കുന്ന ഞങ്ങൾക്കു വേണ്ടി പ്രാർത്ഥിക്കണമേ.”
പരിശുദ്ധ കന്യകാമറിയം ആ മെഡൽ കഴുത്തിൽ ധരിക്കുവാൻ കാതറിനോട് ആവശ്യപ്പെട്ടു. അതിനു ശേഷം പറഞ്ഞു, ഈ മെഡൽ ധരിക്കുന്ന എല്ലാവർക്കും കൃപ ലഭിക്കും. വിശ്വാസത്തേടെ ഇത് ധരിക്കുന്നവർക്ക് കൃപ ഉദരമായിരിക്കും.
കത്തോലിക്ക സഭ അംഗീകരിച്ച ഭക്തിയുടെയും സ്നേഹത്തിന്റെയും പ്രതീകമാണ് ഈ മെഡൽ. കൃപ നേടാനും പ്രതിസന്ധിഘട്ടങ്ങളിൽ തളരാതെ മുന്നോട്ടു പോകാനുമുള്ള വലിയ പിന്തുണയാണ് ഈ മെഡൽ. മറിയമേ, പാപമില്ലാതെ ഗർഭം ധരിച്ചവളേ, നിന്നോട് സഹായം ചോദിക്കുന്ന ഞങ്ങൾക്കു വേണ്ടി പ്രാർത്ഥിക്കണമേ.
ജോബിഷ് പള്ളിത്തോട്
