2019 -ൽ സ്പെയിനിൽ നടന്നത് ഒരു ലക്ഷത്തോളം ഗർഭച്ഛിദ്ര കേസുകൾ

സ്പാനിഷ് ആരോഗ്യ മന്ത്രാലയം അവതരിപ്പിച്ച ഏറ്റവും പുതിയ റിപ്പോർട്ട് പ്രകാരം സ്പെയിനിൽ 2019 -ൽ 99,149  ഗർഭച്ഛിദ്രങ്ങൾ നടന്നതായി വെളിപ്പെടുത്തി. ഇത് മുൻവർഷത്തേക്കാൾ 3.4 ശതമാനം കൂടുതൽ ആണ്. 20 നും 24 നും ഇടയിൽ പ്രായമുള്ള യുവതികളാണ് ഏറ്റവും കൂടുതൽ ഗർഭച്ഛിദ്രം നടത്തിയത് എന്നും റിപ്പോർട്ടിൽ വെളിപ്പെടുത്തുന്നു.

2019 -ൽ നടത്തിയ ഒരു ലക്ഷത്തോളം ഗർഭച്ഛിദ്രങ്ങളിൽ 178 എണ്ണം 23 ആഴ്ച കഴിഞ്ഞതും ഗർഭാവസ്ഥയുടെ വിപുലമായ ഘട്ടത്തിലുള്ളതുമായ കുഞ്ഞുങ്ങളാണ്. 15 -22 ആഴ്ച പ്രായമുള്ള 5,176 കുഞ്ഞുങ്ങളെയും ഗർഭാവസ്ഥയുടെ 9 -14 നും ആഴ്ച പ്രായമുള്ള 23,429 ഗർഭച്ഛിദ്രങ്ങളും നടന്നു. 5.85% പേർ മാത്രമാണ് അമ്മയുടെ ജീവിതത്തിനോ ആരോഗ്യത്തിനോ ഗുരുതരമായ അപകടങ്ങൾ ഉണ്ടാകുമ്പോൾ ഗർഭച്ഛിദ്രം ചെയ്യുന്നത്.

“അപ്രതീക്ഷിത ഗർഭധാരണത്തെ അഭിമുഖീകരിക്കുന്ന സ്ത്രീകൾക്ക് സംസ്ഥാനവും സിവിൽ സമൂഹവും നൽകുന്ന പ്രതിബദ്ധതയെ ഓർമ്മിപ്പിക്കുന്നതാണ് ഈ കണക്കുകൾ. കുട്ടികളുണ്ടാകാൻ ആവശ്യമായ പിന്തുണ ലഭിക്കാത്തതിനാൽ പല സ്ത്രീകളും ഗർഭച്ഛിദ്രത്തിന് നിർബന്ധിതരാകുന്നത് സമൂഹത്തിന്റെ മൊത്തത്തിലുള്ള പരാജയമാണ്” – റെഡ്മാഡ്രി ഡയറക്ടർ ജനറൽ പറഞ്ഞു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

അഭിപ്രായങ്ങൾ

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.