മെക്സിക്കോയിൽ കോവിഡ് ബാധിച്ചു മരിച്ചവരിൽ നാല് ബിഷപ്പുമാരും 128 വൈദികരും ഉൾപ്പെടുന്നു. ഡിസംബർ 17 -ന് പുറത്തിറക്കിയ മൾട്ടിമീഡിയ കാത്തലിക് സെന്ററിന്റെ (സിസിഎം) റിപ്പോർട്ട് ആണ് ഇക്കാര്യം വെളിപ്പെടുത്തിയത്. ഈ റിപ്പോർട്ട് പ്രകാരം നവംബർ 21 മുതൽ ഡിസംബർ 14 വരെയുള്ള കാലയളവിൽ ആണ് 19 വൈദികരും മൂന്ന് മെത്രാന്മാരും മരണമടഞ്ഞത്.
അഗ്വാസ്കാലിയന്റസ് ബിഷപ്പ് ഹോസ് മരിയ ഡി ലാ ടോറെ മാർട്ടിൻ; ഓട്ടോലാനിലെ ബിഷപ്പ് എമെറിറ്റസ്, ഗോൺസാലോ ഗാൽവാൻ കാസ്റ്റിലോ; കുലിയാക്കനിലെ ബിഷപ്പ് എമെറിറ്റസ്, ബെഞ്ചമാൻ ജിമെനെസ് ഹെർണാണ്ടസ്; ടെഹുവാൻടെപെക്കിലെ ബിഷപ്പ് എമെറിറ്റസ്, അർതുറോ ലോന റെയ്‌സ് എന്നിവരാണ് മരണമടഞ്ഞ ബിഷപ്പുമാർ. ഏഴ് മെക്സിക്കൻ ബിഷപ്പുമാർക്കു കോവിഡ് ബാധിച്ചിരുന്നെങ്കിലും സുഖം പ്രാപിച്ചു വരുന്നു.
