ഈശോ പഠിപ്പിച്ച പ്രാര്ത്ഥന അവസാനിക്കുന്നത്, പ്രലോഭനത്തില് ഉള്പ്പെടുത്തരുതേ എന്ന യാചനയോടെയാണ്. പ്രലോഭനങ്ങള്ക്ക് പഞ്ഞമില്ലാത്ത കാലഘട്ടമാണിത്. മനുഷ്യന്റെ ദൗര്ബല്യങ്ങളെ ചൂഷണം ചെയ്യാന് കാത്തിരിക്കുന്ന വിഷസര്പ്പങ്ങള് ഏറിക്കൊണ്ടിരിക്കുന്നു. പ്രലോഭനങ്ങളില് തകരാതിരിക്കാന് അവിടുത്തെ രാജ്യവും അവിടുത്തെ നാമവും അന്വേഷിക്കുകയും കണ്ടെത്തുകയും വേണം. അപരന്റെ കടങ്ങളും പാപങ്ങളും ഉപാധിയില്ലാതെ പൊറുക്കുവാന് കഴിയണം. ഒരായുസ്സ് കാലത്തേക്കു സമ്പത്തു കരുതിവയ്ക്കാതെ അന്നന്നത്തെ അപ്പത്തിനുള്ളതു മാറ്റി വച്ച് അപരനു അപ്പമേകാന് കഴിയുകയും വേണം.
ഡോ. മേജോ മരോട്ടിക്കല്