നവംബര്‍ 1: സകല വിശുദ്ധര്‍

തിരുസഭ ഔദ്യോഗികമായി അംഗീകരിച്ചിരിക്കുന്ന അനേകം വിശുദ്ധര്‍ ഉണ്ട്. അവരുടെ തിരുനാള്‍ വ്യത്യസ്ത സ്ഥലങ്ങളില്‍ ഏതെങ്കിലും ദിവസം ആചരിക്കുന്നുണ്ടാവും. എന്നാല്‍ പ്രാര്‍ത്ഥനകൊണ്ടും ജീവിതവിശുദ്ധികൊണ്ടും സഭയെ സേവിച്ച അനേകര്‍ വേറെയും സ്വര്‍ഗത്തിലുണ്ടല്ലോ. ഇവരുടെ ഓര്‍മ പ്രത്യേകമാംവിധം സഭ ആചരിക്കുന്ന ദിനമാണിത്. സ്വര്‍ഗത്തിനും ദൈവത്തിനും മാത്രം അറിയാവുന്ന ഈ വിശുദ്ധാത്മാക്കളുടെ കൂട്ടത്തില്‍ നമ്മുടെ സഹോദരങ്ങളും ബന്ധുജനങ്ങളുമൊക്കെ ഉള്‍പ്പെടുന്നുണ്ട്. ഇവരുടെ മാധ്യസ്ഥം നമ്മെ സഹായിക്കുന്നുമുണ്ട്.

വി. വാലന്റൈന്‍

സ്‌പെയിനിലെ എല്ലോരിയോയിലായിരുന്നു വാലന്റൈന്‍ ജനിച്ചത്. പ്രായപൂര്‍ത്തിയായപ്പോള്‍ അദ്ദേഹം ഡോമിനിക്കന്‍ സഭയില്‍ പ്രവേശിച്ചു. വൈദികനായശേഷം അദ്ദേഹത്തെ പ്രേഷിതപ്രവര്‍ത്തനത്തിനായി ഫിലിപ്പൈന്‍സിലേക്കയച്ചു. പിന്നീട് 1858 ല്‍ വാലന്റൈന്‍ അപ്പസ്‌തോലിക് വികാറായി വിയറ്റ്‌നാമില്‍ നിയമിതനായി. വൈകാതെ മെത്രാനായി അഭിഷേകം ചെയ്യപ്പെട്ടു. വിയറ്റ്‌നാമില്‍ പ്രേഷിതപ്രവര്‍ത്തനങ്ങളില്‍ ഏര്‍പ്പെട്ടിരുന്ന വിശുദ്ധന്‍ അധികം വൈകാതെ മതപീഡകരാല്‍ അറസ്റ്റു ചെയ്യപ്പെടുകയും ക്രൂരമായ പീഡകള്‍ക്കൊടുവില്‍ ഹെര്‍മോസില്ലായിലെ ജെറോമിനോടും വാ. പീറ്റര്‍ അണാത്തോയോടുമൊപ്പം വധിക്കപ്പെട്ടു. 1988 ല്‍ ജോണ്‍പോള്‍ രണ്ടാമന്‍ പാപ്പായാണ് വാലന്റൈനെ വിശുദ്ധനായി പ്രഖ്യാപിച്ചത്.

വിചിന്തനം: ‘ദൈവം വിധിക്കുന്നത് മുഖം നോക്കിയോ മാനുഷിക കാഴ്ചപാടനുസരിച്ചോ അല്ല. മറിച്ച്, ഹൃദയവും ആന്തരിന്ദ്രീയങ്ങളും പരിശോധിച്ചാണ്.’

ഇതരവിശുദ്ധര്‍ : അമാബിലിസ്(475)/ഔസ്‌ത്രെമോണിയൂസ് (മൂന്നാം നൂറ്റാണ്ട്) ക്ലെര്‍മോണ്ടിലെ മെത്രാന്‍/സെസാരിയൂസ് (+627) ക്ലെര്‍മോണ്ടിലെ മെത്രാന്‍/സെയിത്തോ (ആറാം നൂറ്റാണ്ട്)/അടിമയായ മേരി(+1300) രക്തസാക്ഷി/പാബിയാളി (അഞ്ചാം നൂറ്റാണ്ട്)/സെവരിനൂസ് (+609) സന്യാസി/അച്ചട്ട/ ലിസിനൂസ് (+616) മെത്രാന്‍

 

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

അഭിപ്രായങ്ങൾ