15.മാലാഖ സംഗീതം
അത്യുന്നതങ്ങളിൽ ദൈവത്തിനു മഹത്വം.
ഭൂമിയിൽ സന്മനസുള്ളവർക്കു സമാധാനം .
ക്രിസ്തുവിന്റെ ജനനസമയത്തു ദൈവദൂതർ പാടിയ സംഗീതമാണിത് . നാം എല്ലാവരും ഭൂമിയിലും, സ്വർഗ്ഗത്തിലും നിറഞ്ഞു നിൽക്കുന്ന ദൈവത്തിന്റെ മഹത്വത്തെ നോക്കി എന്നും പാടേണ്ടതാണ് ആദ്യവരി .
ഭൂമിയിൽ സന്മനസുള്ളവർക്കു സമാധാനം ഇതൊരു ഓർമ്മപ്പെടുത്തലാണ് ഭൂമിയിൽ സന്മനസുമായി ജീവിക്കാൻ.
ഈ വാചകത്തിന് മറ്റൊരു വിവർത്തനം ഇങ്ങനെയുണ്ട് . ഭൂമിയിൽ ദൈവകൃപ ലഭിച്ചവർക്ക് സമാധാനം. സന്മനസുണ്ടാവുക എന്നത് ദൈവകൃപയാണ് . ഈ ഭൂമിയിൽ സമാധാനം നിറയ്ക്കാനുള്ള മാർഗ്ഗം സന്മനസുണ്ടായിരിക്കുക എന്നതാണ്.
തന്നോട് തന്നെയും സഹജരോടും സഹജീവികളോടും പ്രകൃതിയോടും എല്ലാത്തിനോടും എല്ലാവരോടും സന്മസസുള്ളവരായിരിക്കുക … സന്മനസുള്ളവർക്ക് സമാധാനം കണ്ടെത്താനും പകർന്നു കൊടുക്കാനും സാധിക്കും.
ദൈവമേ … സന്മനസുള്ളവരാകാനും സമാധാന സ്ഥാപകരാകാനും ഞങ്ങളെ അനുഗ്രഹിക്കണമേ ….