- ജ്ഞാനികളും അടയാളങ്ങളും
പൗരസ്ത്യദേശത്തുനിന്നും യൂദന്മാരുടെ രാജാവായി ജനിച്ചവന്റെ അടയാളമായ നക്ഷത്രം കണ്ട് ക്രിസ്തുവിനെ തേടിയെത്തിയവരാണ് ജ്ഞാനികൾ . ജ്ഞാനികളും ദാർശനികരും ആയിരുന്നിട്ടും അത്യുന്നതങ്ങളിൽ നിന്ന് നൽകിയ അടയാളം അവർ പിന്തുടരുകയായിരുന്നു .
നമ്മുടെ ഇടയിലും ഒരുപാട് നക്ഷത്രവിളക്കുകളുണ്ട്, അടയാളങ്ങളായി വഴികാട്ടികളായി : മാതാപിതാക്കൾ, അധ്യാപകർ, സ്നേഹിതർ, ഇങ്ങനെ പലരൂപങ്ങളിൽ…
വചനമായി, വായനായായി … ഇങ്ങനെ പല മാർഗ്ഗങ്ങളിൽ…
സ്നേഹമായി, ശാസനയായി ഇങ്ങനെ പല ഭാവങ്ങളിൽ…
തിരിച്ചറിയണം ഈ നക്ഷത്രവിളക്കുകളെ അവർ നൽകുന്ന അടയാളങ്ങളെ, പിന്തുടരണം അവർ കാട്ടുന്ന വഴികളെ ..
ദൈവമേ ജ്ഞാനികളെപ്പോലെ നന്മയുടെ അടയാളങ്ങളെ തിരിച്ചറിയാൻ ഞങ്ങളെ അനുഗ്രഹിക്കണമേ …