നവം 16. ലൂക്കാ 19:11-28 ധൈര്യത്തോടെ ഇറങ്ങി തിരിക്കാം

 

ദൈവത്തിന്റെ ദാനങ്ങള്‍ ഒന്നും പൊതിഞ്ഞ് സൂക്ഷിക്കപ്പെടരുത്. പീഠത്തില്‍ വച്ച വിളക്കുപോലെ മലമുകളില്‍ പണിയപ്പെട്ട പട്ടണം പോലെ അത് അനേകര്‍ക്ക് അനുഗ്രഹമായി മാറണം. പൊതിഞ്ഞ് സൂക്ഷിക്കപ്പെടുന്നതില്‍ ഉള്‍ച്ചേര്‍ന്നിരിക്കുന്ന ഒരു സുരക്ഷിതത്വമുണ്ട്. ആ സുരക്ഷിതതാവളത്തില്‍ നിന്ന് സഭ പുറത്തേക്ക് വരണമെന്നാണ് ഫ്രാന്‍സിസ് പാപ്പാ നമ്മെ ഓര്‍മ്മിപ്പിക്കുന്നത്. നാണയങ്ങള്‍ ഏല്‍പ്പിക്കപ്പെട്ടത് വ്യാപാരം ചെയ്യപ്പെടുന്നതിനാണ്. വ്യാപാരം ചെയ്യുന്നതില്‍ ഒരു അനിശ്ചിതത്വമുണ്ട്. ലാഭമുണ്ടാകാം, നഷ്ടവും സംഭവിക്കാം. ഈ അനിശ്ചിതത്വത്തിലേക്ക്, നാണയങ്ങള്‍ ഏല്‍പ്പിച്ചവന്റെ കഴിവിലും ശക്തിയിലുമുള്ള വിശ്വാസത്തോടെ ഇറങ്ങുമ്പോള്‍ നാണയങ്ങള്‍ അനുഗ്രഹമായി മാറും.

ഫാ. ഷാരോണ്‍ പാറത്താഴെ

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.